मुगु, ३० जेठ । कुलो खन्ने क्रममा माथिबाट आएको डुङ्गाले लागेर मुगुमा एक जनाको मृत्यु भएको छ ।
प्रहरीका अनुसार सोरु गाउँपालिका–९ खनयाका १७ वर्षीय युवराज शाही बिहानै खेतमा पानी लगाउन गएका थिए । कुलो खनिरहेको बेला पशु चौपायाले माथिबाट ढुङ्गा खसाउदा उनको ढुङ्गाले लागेर मृत्यु भएको हो ।
ढुङ्गाले उनको छातीमा लागेको थियो । घाइते भएका उनको जिल्ला अस्पतालमा उपचारका क्रममा मङ्गलवार बिहान मृत्यु भएको प्रहरीले जनाएको छ ।