काठमाडौँ, २१ चैत । राष्ट्रियसभा बैठकबाट दुई विधेयक पारित भएको छ ।
मंगलबार बसेको बैठकले सार्वजनिक सेवा प्रसारण विधेयक, २०७७ र सुरक्षण मुद्रणसम्बन्धी विधेयक, २०७७ पारित गरेको हो ।
सार्वजनिक सेवा प्रसारण विधेयकमा सरकारी सञ्चार माध्यमको रुपमा रहेका नेपाल टेलिभिजन र रेडियो नेपाललाई एकै प्रसारण संस्थामा गाभेर सार्वजनिक सेवा प्रसारण संस्था निर्माण गर्ने उल्लेख छ । यी विधेयकहरू तत्कालीन प्रधानमन्त्री केपी शर्मा ओली सरकारले दर्ता गराएको थियो । सरकारको तर्फबाट तत्कालीन सञ्चार तथा सूचना प्रविधिमन्त्री डा. युवराज खतिवडाले दर्ता गराएका थिए ।
