दोलखा, ८ चैत । पेट्रोल सेवन गरेका दोलखा कालिन्चोक गाउँपालिका वडा नम्बर–९, सुन्द्रावतीका एक नाबालकको मृत्यु भएको छ ।
प्रहरीका अनुसार सुन्द्रावती निवासी मुरारी सेढाईका २१ महिने छोरा सक्षम सेढाईको मृत्यु भएको हो । उक्त परिवार हाल सिंगटीमा पसल सञ्चालन गर्दै आएका थिए । नाबालकले कोठामा राखिएको पेट्रोल पिएका थिए । त्यसपछि नाबालकको अवस्था गम्भीर बनेको थियो । बाइकमा प्रयोग गरेर बाँकी रहेको पेट्रोल पाइप सहित कोठामा राखिएकोमा वालकले सेवन गरेको बताइएको छ ।
पेट्रोल सेवन गरेर गम्भीर भएका बालकलाई उपचारका लागि दोलखा स्थित धुलिखेल अस्पतालमा उपचारका क्रममा मृत्यु भएको प्रहरीले जनाएको छ ।
