काठमाडौँ, ६ चैत । नेकपा एमालेले प्रधानमन्त्री पुष्पकमल दाहाल प्रचण्डलाई पार्टीले विश्वासको मत नदिने भएको छ ।
एमालेका संसदीय दल उपनेता सुवास नेम्वाङका अनुसार एमाले जिम्मेवार प्रतिपक्ष भूमिकामा बस्ने भएको छ । आज प्रधानमन्त्री प्रचण्डले प्रतिनिधि सभाबाट विश्वासको मत लिने तयारी गरेका छन् । दिउँसो १ बजे प्रतिनिधि सभा बैठक बस्दैछ ।
गत पुस १० गते एमाले, माओवादीसहित ७ दल मिलेर प्रधानमन्त्रीमा प्रचण्ड नियुक्त भएका थिए । पुस २६ मा विश्वासको मत लिँदा प्रधानमन्त्री प्रचण्डलाई एमालेले विश्वासको मत दिएको थियो । तर फागुन १३ गते राष्ट्रपति निर्वाचनका लागि उम्मेदवारी दर्ता गर्ने बेला माओवादीले राष्ट्रपति उम्मेदवारमा कांग्रेसलाई सहयोग गरेको थियो ।
