काठमाडौँ, २८ फागुन । विवेकशील साझा पार्टीको केन्द्रीय समिति विस्तार गरिएको छ ।
पार्टीको शनिबार बसेको केन्द्रीय समितिको बैठकबाट केन्द्रीय सदस्यहरू मनोनीत गरिएको हो ।
मनोनीत हुनेहरूमा गोरखाका नवराज थापा, बाराका रुस्तम अन्सारी, कर्णालीका सूर्यदीप रेग्मी, काठमाडौंबाट ज्येष्ठ नागरिक कोटामा चक्र न्यौपाने, महिला कोटामा निर्जला कक्षपति र सुदूरपश्चिम प्रदेशबाट हरिश भट्ट छन् ।
यस्तै, काठमाडौंका धनेज थापा, गण्डकी प्रदेशबाट सरोज गौतम, ललितपुरका मिलन परियार, काठमाडौंका निरन्जन चापागाईं, गण्डकीबाट शिशिर बन्जारा र महिला कोटामा चन्द्र श्रेष्ठ छन् । पार्टी गतिविधिका लागि वार्षिक ‘क्यालेन्डर’ निर्माण गर्ने, प्रदेश अधिवेशनलाई अघि बढाउने र महाधिवेशनको सन्देश लिएर देशव्यापी यात्रा सुरु गर्ने निर्णय पनि गरिएको छ ।
