काठमाडौँ, ९ माघ । नेपाल स्टक एक्सचेञ्ज (नेप्से) १३.७१ अंकले ओरालो लागेको छ । साताको पहिलो दिन नेप्सेमा रातो रङ देखिएको हो ।
कारोबार खुलेको एक घण्टा नपुग्दै नेप्से परिसूचक २२ सय अंकमाथि पुगे पनि त्यो टिकाउ हुन सकेन । बिक्रीकर्ता हाबी हुँदा नेप्से परिसूचक ओरालो लागेको हो ।
नेप्सेमा तीन अर्ब ८६ करोड रूपैयाँको कारोबार भएको छ । २५७ कम्पनीको सेयर किनबेच भएको नेप्सेमा सोमबार बढी कारोबार हुनेमा वाणिज्य बैंक अगाडि रहे । कारोबारको आधारमा सबैभन्दा बढी कुमारी बैंक २७ करोड ४८ लाख रूपैयाँको कारोबारले अगाडि छ । दोस्रोमा एनआईसी एशिया बैंक १२ करोड ७५ लाख रूपैयाँले दोस्रो स्थानमा छ ।
