काठमाडौँ, ३ पौष । नेपाल भाषाका उत्कृष्ट कथाहरूको सङ्ग्रह अङ्ग्रेजी भाषामा प्रकाशित भएको छ । नेपाल भाषाका कथाकारहरूको संस्था बाखं दबूले आफूले अहिलेसम्म प्रकाशन गरेको पाँच सयभन्दा धेरै नेपाल भाषाको कथाहरूमध्येबाट छानेर अङ्ग्रेजी भाषामा अनुवाद गरी दुई वटा सङ्ग्रह प्रकाशन गरेको हो ।
‘इन्स्पिरेशन’ र ‘डिभाइन’ अनुवाद सङ्ग्रहको शनिवार काठमाडौँमा आयोजित कार्यक्रममा बाखं दबूका संस्थापक राजा शाक्य, साहित्यकार पशुपतिभक्त पमाय्, नागर्जुन पब्लिकेशनका अध्यक्ष डा. सर्वोत्तम श्रेष्ठ, साहित्यकार भूषणप्रसाद श्रेष्ठ र शिक्षाविद् रुपक राजवंशीले लोकार्पण गर्नु भएको हो ।
कार्यक्रममा साहित्यकार भुषणप्रसाद श्रेष्ठ र डा. सर्वोत्तम श्रेष्ठका साथै पुस्तक प्रकाशनमा आर्थिक सहयोग पुर्याउने शिक्षाविद् रुपक राजवंशी र वसुन्धरा तुलाधरलाई सम्मान गरिएको थियो।
