झापा, १६ मंसिर । झापाको दमक नगरपालिका–९ मा मोटरसाइकलको ठक्करबाट पैदलयात्रीको मृत्यु भएको छ भने मोटरसाइकल चालक गम्भीर घाइते छन् ।
प्रहरीका अनुसार गएराति प्रदेश १–०१–०१६ प ८९९ नम्बरको मोटरसाइकलले पैदलयात्रीलाई ठक्कर दिएर पल्टिएको थियो ।
दुर्घटनामा गम्भीर घाइते भएका पैदलयात्री इलामको माई नगरपालिका–१० बस्दै आएका ४७ वर्षीय गोपाल राईको थप उपचारका लागि न्युरो अस्पताल विराटनगर लैजाने क्रममा बाटोमै मृत्यु भएको जनाइएको छ । गम्भीर घाइते भएका मोटरसाइकल चालक झापाको कन्काई नगरपालिका–४ का २५ वर्षीय नितेश बस्नेतको विराटनगरस्थित न्युरो अस्पतालमा उपचार भइरहेको छ ।