गोरखा, १३ कार्तिक । नेकपा माओवादी केन्द्रका अध्यक्ष पुष्पकमल दाहाल प्रचण्डले यसपटकको निर्वाचन आफ्ना लागि अहिलेसम्मकै सहज भएको बताएका छन् ।
आज गोरखामा आयोजित कार्यक्रममा बोल्दै अध्यक्ष दाहालले गोरखाबाट उम्मेदवार हुँदा रिल्याक्स महसुस गरेको बताए ।
उनले भने, ‘गोरखा आउन पाएकोमा गौरवान्वित भएको छु, एकदमै खुशी छु । अहिलेसम्मका निर्वाचनमध्ये मेरो लागि सबैभन्दा सहज यही हो’ एक ढंगले यहाँ आउँदा रिल्याक्स फिल गरेको छु ।’
प्रचण्डले आफू निश्चित सपना बोकेर गोरखा आएको भन्दै अब विकास र समृद्धिको यात्रा गोरखाबाट सुरु गर्ने बताए ।
