काठमाडौँ, ११ कार्तिक । सत्ता गठबन्धनमा आवद्ध चार दलले शुक्रबार विज्ञप्ति जारी गर्दै चुनावी गठबन्धनको विषयलाई जिताउन अपिल गरेको छ ।
गठबन्धनले तालमेल भएका स्थानमा गठबन्धनमा आवद्ध दलका उमेदवारलाई जिताउन अपिल गरेको छ । साथै, गठबन्धन नहुने स्थानमा पनि गठबन्धनमा रहेका दलबीच मित्रवत् प्रतिस्पर्धा हुने शुक्रबार जारी विज्ञप्तिमा उल्लेख छ ।
“केही स्थानहरुमा देखिएका विवादलाई छलफलद्वारा निष्कर्षमा पुर्याउन प्रतिवद्धता व्यक्त गर्दछौँ । साथै गठबन्धनमा सहमतिका उमेदवारहरुको सूची सार्वजनिक गरिएको छ । केही स्थानमा मित्रवत् प्रतिस्पर्धा गर्नेगरी तय गरिएको छ । ती स्थानहरुमा एक आपसमा सम्मान र सौहार्दपूर्ण व्यवहार गर्ने समझदारी भएको छ,” विज्ञप्तिमा लेखिएको छ ।
