काठमाडौँ, ९ कार्तिक । उदयपुरको कटारी नगरपालिका–११ हर्देनीमा मोटरसाइकल दुर्घटना हुँदा चालकको घटनास्थलमै मृत्यु भएको छ भने अर्का एक जना घाइते भएका छन् ।
प्रहरीका अनुसार मंगलबार साँझ दुर्घटनामा हुदा स्थानीय २४ वर्षीय यमबहादुर श्रेष्ठको मृत्यु भएको छ । दुर्घटनामा गम्भीर घाइते भएका मोटरसाइकलमा पछाडि सवार सोही ठाउँमा बस्ने २१ वर्षीया इन्दिरा कार्कीलाई उपचारको लागि कटारी अस्पताल पठाइएको छ ।
बेतिनीबाट गँहुबारीतर्फ जाँदै गरेको ‘अन टेष्ट’ लेखिएको मोटरसाइकल अनियन्त्रित भएर दुर्घटना भएको प्रहरीले जनाएको छ ।
