रामेछाप, ८ कार्तिक । जिल्लाको मन्थली नगरपालिका–१४ स्थित फुलासीमा बसको ठक्करबाट एकजनाको मृत्यु भएको छ ।
जिल्ला प्रहरी कार्यालय रामेछापका अनुसार फुलासी घर भएकी करिब ५० वर्षीया चन्द्र कुमारी परियारको मृत्यु भ्येको हो । मन्थलीबाट देउराली तर्फ जाँदै गरेको बागमती प्रदेश–०१–००६ख २२९५ नम्बरको बसले उनलाई ठक्कर दिएको हो ।
सोही बसमा सवार परियारलाई फुलासी पोखरीमा ओर्लने क्रममा बसको चक्काले ठक्कर दिँदा उनको घटनास्थलमै मृत्यु भएको हो । बस चालक र बसलाई नियन्त्रणमा लिइ थप अनुसन्धान भइरहेको जिल्ला प्रहरी कार्यालय रामेछापले जनाएको छ ।
