भक्तपुर, ७ कार्तिक । आगामी मंसिर ४ गते हुने संघीय तथा प्रदेशको निर्वाचनको संघारमा सत्ता गठबन्धन नेपाली कांग्रेसले निर्वाचन आयोगले जारी गरेको आचार संहिता व्यापकमात्रामा उल्लंघन गरेको छ ।
एमाले निकट राष्ट्रिय युवा संघ नेपाल जिल्ला कमिटी भक्तपुरले गठबन्धनका प्रतिनिधिसभाका उम्मेदवार दुर्लभ थापाविरुद्ध आज जिल्ला निर्वाचन कार्यालयमा लिखित उजुरी दिएको छ । मध्यपुर थिमी नगरपालिका प्रयोजक भई आर्थिक सहयोगमा मध्यपुर थिमी रक कन्सर्ड २०२२ नामक कार्यक्रममा कार्तिक ६ गते तथा मध्यपुर वडा व्यापी फुटवल प्रतियोगितामा असाोज ३० गते कांग्रेसका उम्मेदवार थापालाई प्रमुख अतिथि बनाई खेलाडीलाई प्रमाणपत्र तथा पुरस्कार वितरण गरी आचार संहिता उल्लंघन गरेको संघको दावी रहेको छ । कांग्रेसले केही दिन अघि पनि पर्चा पोष्टर तथा फ्लेक्स टाँगी आचार संहिता उल्लंघन गरेको थियो ।
