काठमाडौँ, २६ भदौ । काठमाडौँको जडिबुटीबाट प्रहरीले लागु औषधसहित दुईजनालाई पक्राउ गरेको छ ।
२ हजार १३ एम्पुल लागु औषधसहित दुई जनालाई पक्राउ गरिएको जिल्ला प्रहरी परिसर काठमाडौँले जनाएको छ । पक्राउ पर्नेमा सप्तरीको खड्क नगरपालिका–८ घर भएका २९ वर्षीय दिपेन्द्र सरदार र कञ्चनपुर नगरपालिका–९ घर भएका २३ वर्षीय सुरज सरदार छन् ।
प्रहरी वृत कोटेश्वरका प्रहरी नायव निरिक्षक ओमकार चन्द नेतृत्वको टोलीले आरोपीहरुको साथबाट फेनारगन ७४६ एम्पुल, डाइजेपाम ६७३ एम्पुल र बु्र्रप्रेनोर्फिन इन्जेक्सन ५९४ एम्पुल बरामद गरेको छ । भदौ २४ मा राति काठमाडौँ–३२ जडिबुटीबाट प्रहरीले उनीहरुलाई पक्राउ गरेको हो । अरोपीहरुबारे प्रहरी वृत नयाँ बानेश्वरले अनुसन्धान गरिरहेको छ ।
