काठमाडौँ, २६ भदौ । वीपी कोइरालाले देखेको सपनाअनुसार सबै नागरिकले महसुस गर्ने गरी पूर्वाधार निर्माण हुनुपर्ने सञ्चार सूचना तथा प्रविधीमन्त्री ज्ञानेन्द्रबहादुर कार्कीले बताएका छन् ।
चौथो नेपाल पूर्वाधार सम्मेलनको समापनमा सम्बोधन गर्दै कार्कीले दश वर्षमा समृद्ध नेपाल बनाउने गरी काम गर्नुपर्ने बताए । उनले २०१५ सालमा वीपी कोइरालाले देखेको सपनाअनुसार सबै नागरिकले महसुस गर्ने गरी पूर्वाधार निर्माण हुनुपर्नेमा जोड दिए ।
संघीयतापछि दोस्रो पटक निर्वाचन सम्पन्न भएर तीनै तहका सरकार निर्वाचित भएसँगै राजनीतिक समस्या समाधान हुने र आगामी निर्वाचनबाट आउने सरकारको प्राथामिकता आर्थिक विकासमा पर्ने मन्त्री कार्कीको भनाइ छ । यो समाचार आजको कारोबार दैनिकमा छ ।
