मोरङ, २० साउन । जिल्लाको विराटनगर महानगरपालिका–१९ मिलनचोकमा साइकलको ठक्करबाट एक जनाको मृत्यु भएको छ ।
प्रहरी चौकी झोराहाट मोरङका अनुसार आज बिहान साइकलको ठक्करबाट पैदलयात्री मोरङकै ग्रामथान गाउँपालिका–२ का ७० वर्षीय हर्कदेव सरदारको मृत्यु भ्येको हो ।
ठक्करबाट गम्भीर घाइते भएका उनको उपचारका क्रममा बिराटनगर स्थित गोल्डेन अस्पतालमा मृत्यु भएको हो । ग्रामथान गाउँपालिका–२ कै ३५ वर्षीय बिनोद मोडियारीले चलाएको साइकलले वृद्धलाई ठक्कर दिएको थियो । दुर्घटना पश्चात् साइकलयात्री फरार भएकोले खोजी भइरहेको प्रहरीले जनाएको छ ।