एमाले मेयरका उम्‍मेदवार थापाको वडामा कांग्रेस विजयी

पोखरा, ८ जेठ । नेकपा एमालेका मेयर उम्‍मेदवार कृष्ण थापाको वडा नम्बर-१६ मा नेपाली कांग्रेस विजयी भएको छ । आइतबार साँझ सार्वजनिक भएको नतिजा अनुसार उक्त वडाको वडाध्यक्षमा नेपाली कांग्रेसका अमृत शर्मा तिमिल्सिना निर्वाचित भएका हुन् ।

तिमिल्सिनाले नेकपा एमालेका प्रत्याशी राजेश गुरूङ ‘राजु’लाई १४८ मतान्तरले पराजित गरेका हुन् । तिमिल्सिनाले ३ हजार ३१८ मत पाउँदा गुरूङले ३ हजार १७० मत पाएका छन् । वडाका सदस्य पदमा भने नेकपा एमालेले जितेको छ । उक्त वडामा ७ हजार ५१९ खसेको थियो ।

मुख्य निर्वाचन आयोगले सार्वजनिक गरेको सूचना अनुसार उक्त वडामा वडाध्यक्षमा नेपाली कांग्रेसले हात पारे पनि मेयरमा भने नेकपा एमालेका कृष्ण थापाले सबैभन्दा बढी मत पाएका छन् । प्रमुख पदमा थापाले ३ हजार ४४६ मत पाउँदा नेकपा एकीकृत समाजवादीका धनराज आचार्यले २ हजार ४९२ मत पाएका छन् । उनीहरुबीच ९५४ मतको फरक छ । हालसम्म पोखरा महानगरको १ लाख ८ हजार ८६१ मत गणना भएको छ । उक्त मत परिणामअनुसार ५ दलीय सत्तारुढ गठबन्धनबाट उम्मेदवार बनेका नेकपा एकीकृत समाजवादीका धनराज आचार्य अगाडि छन् ।

आचार्यले ४३ हजार ५६५ मत पाउँदा उनलाई पछ्याइरहेका नेकपा एमालेका कृष्ण थापाले ४० हजार १२३ मत पाएका छन् । आचार्य ३ हजार ४४२ मतले अग्रता लिइरहेका छन् । उपप्रमुखमा भने नेकपा एमालेकै अग्रता छ । एमालेबाट उम्मेदवार बनेकी मञ्जुदेवी गुरुङले ४५ हजार ६४९ मत पाएकी छन् भने उनका निकटम् प्रतिस्पर्धी कोपिला रानाभाटले ४३ हजार ६५४ मत पाएकी छन् । उनीहरुबीच १ हजार ९९५ मतान्तर छ ।

हालसम्म पोखरामा १, २, ३, ४, ५, ६, ७, ८, ९, १०, १२, १३, १४, १५, १६, २०, २३, २४, २५, २६, २७, २८, २९ र ३० वडाको नतिजा आएको छ । जसमध्ये नेकपा एमालेले ७ वटा र कांग्रेसले १७ वटा वडा जितेको छ । अहिले बाँकी रहेका ९ वटा वडाको गणना भइरहेको छ ।

प्रतिक्रिया दिनुहोस्

संबन्धित समाचार

भक्तपुर, २५ साउन । भक्तपुरको मनोहरा खोला वरपरका सुकुम्वासी बस्तीमा बाढी पसेको छ । टहरामा भएका घरायसी सामग्री बाढीले बगाएको

धनगढी, २५ साउन । कैलालीको धनगढीमा मोटरसाइकल दुर्घटना हुँदा एक जनाको मृत्यु भएको छ । प्रहरीका अनुसार गएराति धनगढी उपमहानगरपालिका-३

भोजपुर, २५ साउन । कोराना भाइरस सङ्क्रमण बढेपछि भोजपुरको टेम्केमैयुङ गाउँपालिकाका सम्पूर्ण विद्यालय बन्द गरिएका छन् । गाउँपालिकाले मङ्गलबारदेखि छ

काठमाडौँ, २५ साउन । सरकार यातायात क्षेत्रमा व्यापक हेरफेर तयारीमा जुटेको छ । यसअघि, स्मार्ट सवारीचालक अनुमतिपत्र (लाइसेन्स) केन्द्रबाट छापिन्थ्यो ।

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021