खाँदबारी, १५ बैशाख । संखुवासभाको मकालु गाउँपालिकाका अध्यक्ष तेजबहादुर पोख्रेलले नेकपा एमाले परित्याग गर्नुभएको छ ।
पोख्रेलले बिहीबार एक विज्ञप्ति जारी गर्दे एमाले परित्याग गरेको घोषणा गर्नुभयो । पोख्रेल नेकपा एमाले संखुवासभाका जिल्ला कमिटी सदस्यसमेत हुनुहुन्थ्यो भने उहाँ गत २०७६ को उपनिर्वाचनमा एमालेबाट गाउँपालिका अध्यक्षमा निर्वाचित हुनुभएको थियो । पोख्रेलले मकालु गाउँपालिकाबाट पुनः अध्यक्षको उम्मेदवारीको दाबी गर्नुभएको थियो । तर, एमालेले उम्मेदवार नबनाएपछि उहाँले पार्टी परित्याग गर्नुभयो ।
पार्टीका नेताहरुको गुटगत निर्णयले आफ्नो योगदानको अवमुल्यन भएका कारण एमाले पार्टी परित्याग गरेको उहाँले विज्ञप्तिमा उल्लेख गर्नुभयो । एमालेमा बसेर राजनैतिक जीवन विताउन असहज भएको अध्यक्ष पोख्रेलको आरोप छ ।
