हामी एमसीसी पास गराउँछौँ : सुजाता कोइराला

काठमाडौँ, ३ फागुन । नेपाली कांग्रेसकी नेत्री एवं पूर्वउपप्रधान तथा पराराष्ट्रमन्त्री सुजाता कोइरालाले एमसीसी परियोजना छिटौ पारित गराउनु पर्ने बताएकी छन् ।

आज पार्टी संसदीय दलको बैठकबाट बाहिरिने क्रममा सञ्चारकर्मीहरूलाई बोल्दै उनले विकासको योजना लिन्नँ भन्नु हास्यास्पद भएको बताइन् । हरेक पार्टीबाट प्रधानमन्त्री बन्दा परियोजना अघि बढाएकाले पनि अब पारित गर्दिनँ भन्न नमिल्ने उनको भनाइ छ ।

उनले भनिन्, “हामीकहाँ यस्तो समुदाय छ जो विकास गर्न दिँदैन, योजना आउन दिँदैन । सधै बिगार्ने षड्यन्त्र हुन्छ । त्यसमा हामीले आँट गरेर अघि बढाउनुपर्छ,” “अहिले जति हल्ला गरे पनि पछि नेपाली जनताले सबै कुरा थाहा पाउँछन् । यसले गर्दा अरू काम गर्न हामीलाई ढिला भएको छ । यसलाई धेरै बहस गरेर समस्या झन् बल्झाउने काम नगरौँ । छिटौ पास गरौँ ।”

उनले विकास परियोजना आउँदैमा देश कब्जा नहुने बताइन् । “कसैले नेपाल कब्जा गर्न सक्दैन । आजसम्म कब्जा गर्न दिएनौँ । यत्रो आयोजना लियौँ, कसैले हडपे त ?,” उनले भनिन्, “वर्ल्ड बैंकसँग गिरिजाबाबु रिउसाउनुभयो एकपटक । तर, सहयोग लिनुभयो नि ! पछि त धेरै राम्रो काम गरेछ भनेर भन्नुहुन्थ्यो ।”

प्रतिक्रिया दिनुहोस्

संबन्धित समाचार

काठमाडौँ, ८ वैशाख । विश्व स्वास्थ्य सङ्गठन (डब्लुएचओ) ले कच्चा दूधमा बर्ड फ्लूको भाइरस ‘एचफाइभ एनवान’ सङक्रमण भेटिएको जनाएको छ ।

काठमाडौँ, ८ बैशाख । गुगलले नयाँ फिचर ल्याएको छ लामो समयदेखि । अहिले गुगलले आफ्नो गुगल मेसेजेजको लागि धेरै सुविधाहरू

काठमाडौँ, ८ बैशाख । तनहुँको आँबुखैरेनी गाउँपालिकाले सञ्चालित आँबुखैरेनी अस्पताललाई दुई थान डायलाइसिस मेसिन प्रदान गरेको छ ।   नेपाल

काठमाडौँ, ८ बैशाख । यस वर्षको वसन्तयाममा सगरमाथा आरोहणका लागि तीन सय ५२ आरोहीले अनुमति लिएका छन् । पर्यटन विभागका