वीरगञ्ज, ३ फागुन । वीरगञ्जबाट लागु औषधसहित एक जना भारतीय नागरिकलाई प्रहरीले पक्राउ गरेको छ ।
प्रहरी चौकी गण्डकबाट खटिएको नियमित चेकिङ्ग टोलीले वीरगञ्ज महानगरपालिका वडा नं.१४ गण्डकचोकस्थित सडक खण्डमा भारत विहार जिल्ला मोतिहारी थाना रामगढवा-१४ बस्ने २२ वर्षीय जगतकुमार कुशवाहालाई पक्राउ गरेको हो ।
शंकास्पदरूपमा पैदल हिंडिरहेका कुशवाहाले बोकेको ब्यागभित्र कालो प्लाष्टिकको झोलामा लुकाइछिपाइ ल्याएको प्रतिबन्धित लागु औषध एनुर्फिन, डाइजीपाम र फेनारगन एक/एक सय एम्पुल गरी जम्मा तीन सय एम्पुल फेला परेको जिल्ला प्रहरी कार्यालय पर्साले जनाएको छ ।
