सर्लाही, २९ माघ । सर्लाहीमा करेन्ट लागेर एक जनाको मृत्यु भएको छ भने एक जना घाइते भएका छन् ।
इलाका प्रहरी कार्यालय हरिवनका अनुसार सर्लाहीको बागमतीमाघर निर्माणको काम गर्ने शंकरपुर निवासी अन्दाजी २५ बर्षका रामु महतोको छत ढलानका लागि डण्डी मिलाउने क्रममा सडकमा रहेको बिजुलीको पोलबाट करेन्ट लागेर मृत्यु भएको हो ।
महतोलाई बचाउने क्रममा सोही स्थानका २१ बर्षीय दिपककुमार महतो सामान्य घाइते भएका छन् । उनको स्थानीय अस्पतालमा उपचार भईरहेको प्रहरीले जनाएको छ । मृतकको शब परीक्षणको लागि जिल्ला अस्पताल पठाइएको छ भने उक्त घटनाबारे थप अनुसन्धान भइरहेको प्रहरीले जनाएको छ ।
