पोखरा, १६ माघ । कास्कीको पोखरामा एक किलो सुनसहित एकजना पक्राउ परेका छन् ।
गएराति पोखरा महानगरपालिका–३०, पावरहाउसचोकबाट पोखरा महानगरपालिका–१५ का २५ वर्षीय रेशम सुनारलाई पक्राउ गरिएको हो ।
काठमाडौँबाट पोखरातर्फ जाँदै गरेको ग१ख २९६९ नम्बरको हाइसलाई वडा प्रहरी कार्यालय गगनगौँडाबाट खटिएको प्रहरी टोलीले जाँच गर्ने क्रममा हाइसमा सवार सुनारलाई लुकाई ल्याएको उक्त धातुसहित फेला पारी पक्राउ गरेको जनाइएको छ ।