पश्चिम नवलपरासी, २५ पौष । नेकपा एमाले पश्चिम नवलपरासीको आठौ जिल्ला अधिवेसनबाट दीपेन्द्र कुमार अधिकारी निर्वाचित हुनुभएको छ ।
सहमतिको प्रयास असफल भएपछि हिजो २०७८ पौष २४ सम्पन्न निर्वाचनबाट ३३२ मतका साथ अधिकारी निर्वाचित हुनुभयो । कुल ५५७ जना प्रतिनिधि मध्ये ५४४ मत खसेकोमा उहाँका निकटतम प्रतिद्वंदी थान प्रसाद गैरेले १८५ मत प्राप्त गर्नुभयो ।
१०५ सदस्यीय कमिटीको लागी दुई वटा प्यानल नै बनाएर भएको निर्वाचनमा सम्पूर्ण पदाधिकारी सहित अधिकांश सदस्यमा अधिकारी समुहका ऊमेदवार विजयी हुनुभएको छ । अन्य पदाधिकारीहरू उपाध्यक्ष, सचिव, र २ उपसचिव मा क्रमशः डोलराज भण्डारी, धीरज शर्मा बस्याल, राजन आचार्य र रिंगला यादव विजयी हुनुभएको छ ।