काठमाडौँ, २३ पौष । इटहरीमा बसले मोटरसाइकललाई ठक्कर दिदा दुई जनाको मृत्यु भएकाे छ ।
प्रहरीका अनुसार इटहरी वडा नं. २० तरहरास्थित पानीपियामा बसको ठक्कर दिदा गएरातिमोटरसाइकलमा सवार दुईजनाको मृत्यु हाे । दक्षिणबाट उतरतर्फ जादै गरेको को २७ प २१९ नं को मोटरसाइकललाई बिपरीत दिशाबाट आउदै गरेको प्र १–०–२–००१ ख ८१९६ नम्बरको बसले ठक्कर दिँदा मोटरसाइकलमा सवार दुईको मृत्यु भएकाे हो ।
मृत्यु हुनेमा संखुवासभा खाँदबारी नगरपालिका ७ बस्ने २२ वर्षीय अबि राई र मोरङको सुन्दरहरैँचा ५ बस्ने २७ वर्षीय सन्तोष राई रहेका छन् । गम्भीर घाइते भइ उपचारको लागि धरानस्थित वीपी कोइराला स्वास्थ्य विज्ञान पठाएकोमा दुवैको उपचारको क्रममा मृत्यु भएको प्रहरीले जनाएको छ । बस चालक इटहरी ४ बस्ने ४४ वर्षीय टीकाराम चौधरीलाई नियन्त्रणमा लिएर अनुसन्धान भइरहेकाे प्रहरीले जनाएकाे छ ।