प्रधानमन्त्री देउवाको भारत भ्रमण रद्द

काठमाडौँ, २३ पौष । प्रधानमन्त्री शेरबहादुर देउवाको भारत भ्रमण रद्द भएको छ। भारतको गुजरातमा हुने भनिएको ‘भाइबे्रन्ट गुजरात’ कार्यक्रममा सहभागी हुन देउवा आइतबार त्यसतर्फ जाने तय भएको थियो।

भारतमा बढ्दो कोरोना संक्रमणका कारण उक्त कार्यक्रम स्थगित भएसँगै देउवाको भ्रमण रद्द भएको हो। मन्त्रिपरिषद्को बुधबार बसेको बैठकले देउवाको भारत भ्रमण स्वीकृत गरेको थियो। नेपालमा प्रधानमन्त्री नियुक्त भएपछि भारतबाट औपचारिक भ्रमण सुरु हुने विगतको परम्परा भए पनि पछिल्लोपटक देउवा प्रधानमन्त्री भएको पाँच महिनाभन्दा बढी भइसक्दा पनि भारत भ्रमण हुन सकेको छैन।देउवाको आइतबारदेखि हुने भनिएको भ्रमण पनि राजकीय नभएर भारतको एउटा राज्य गुजरातमा हुन लागेको कार्यक्रममा सहभागी हुन उनी त्यसतर्फ जान लागेका थिए। त्यहाँ उनको भारतीय प्रधानमन्त्री नरेन्द्र मोदीसँग भेट हुने कार्यक्रम थियो। अनौपचारिक रूपमा देउवा र भारतीय समकक्षी मोदीबीच नोभेम्बरमा स्कटल्याण्डको ग्लास्गोमा आयोजना भएको जललायु सम्मेलनमा भेट भएको थियो।

प्रधानमन्त्री देउवाको भ्रमणको मिति नजिकिँदै गर्दा पत्नी आरजु देउवा भारत गएकी थिइन्। भ्रमणका क्रममा उनले भारतीय नेताहरूसँग भेट गरेकी थिइन्। आरजुको भ्रमण देउवाको भ्रमणको पूर्वतयारीका लागि भएको बताइन्छ। कतिपयले परराष्ट्रमन्त्रीले गर्नुपर्ने पूर्वतयारीको काम प्रधानमन्त्री पत्नी आरजुले गरिरहेको भन्दै आलोचना गरेका छन्। यो समाचार आजको नागरिक दैनिकमा छ ।

प्रतिक्रिया दिनुहोस्

संबन्धित समाचार

काठमाडौँ, २ भदौ । वन नियमावलीले सिमेन्ट उद्योगहरू संकटमा परेको भन्दै उद्योगीहरूले यसको माग संशोधन गर्न माग गरेका छन् । बुधबार

काठमाडौँ, २ भदौ । निर्वाचन आयोगले आगामी मंसिर ४ गते हुने प्रतिनिधि तथा प्रदेशसभा निर्वाचनमा निजामती कर्मचारी, नेपाली सेना, सशस्त्र प्रहरी,

काठमाडौँ, २ भदौ । नेकपा माओवादी केन्द्रका अध्यक्ष पुष्पकमल दाहालका घरबेटी ठेकेदार शारदाप्रसाद अधिकारीको शैलुङ कन्स्ट्रक्सन कम्पनी प्रालि कालोसूचीमा पर्ने भएको

काठमाडौँ, २ भदौ । नेकपा (माओवादी केन्द्र) ले पार्टी पदाधिकारीको बिहीबार टुंगो लगाउने भएको छ । बुधबार पार्टी कार्यालय पेरिस डाँडामा

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021