काठमाडौँ, १२ मंसिर । नेकपा एमालेका सचिव तथा पूर्वमन्त्री योगेश भट्टराईले आगामी तीन वटै तहको निर्वाचनमा एमालेको बहुमतलाई कुनै तागतले रोक्न नसक्ने दावीग गर्नुभएको छ ।
एमालेको १०औं महाधिवेशनको बन्दसत्र सफलता पूर्वव शुरुभएको र नेतृत्व समेत सोही आधारमा आउने उल्लेख गरेको विज्ञप्ती जारी गर्दै नेता भट्टराईले पार्टीभित्रको एकता र अनुशासित नेता कार्यकर्ताको पंतिले पार्टी तथा देशलाई जोगाउने दावी गर्नुभयो ।
उहाँले विज्ञप्तीमा उल्लेख गर्नुभएको छ, ‘हाम्रो पार्टीप्रति जनताको व्यापक जनसहभागिता र उत्साहले अहिले विरोधीहरु अताल्लीन थालेको छन्, जनताको उत्साहले आगामी निर्वाचनमा एमालेको बहुमतलाई कुनै तागतले रोक्न सक्दैन । एकता र अनुशासित पार्टीका नेता कार्यकर्ताको पंतिले पार्टी बलियो बनाउँछ, देश जोगाउँछ । पार्टीमा सहमति, समझदारी र एकताले सक्षम नेतृत्व निर्माण हुने छ । मुलुकको भविष्य जोगाउनका निम्ति पार्टीलाई एकताबद्ध र संगठित बनाउने जिम्मेवारी तपाईहरुकै काँधमा छ ।’
