जनकपुरधाम, ८ मंसिर । सर्लाहीमा टाटा सुमोले मोटरसाइकललाई ठक्कर दिँदा दुई जनाको मृत्यु भएको छ ।
सर्लाही प्रहरीका अनुसार कर्मैयाबाट बरहथवातर्फ जाँदै गरेको बीआर ०५पीए ७१९९ नम्बरको टाटा सुमोले विपरीत दिशातर्फ जाँदै गरेको ज १२ प ९९०७ नम्बरको मोटरसाइकललाई ठक्कर दिदा मोटरसाइकल चालक हरिवन नगरपालिका-७ बस्ने २५ वर्षीय देव मोक्तान र पछाडि सवार २३ वर्षीय मिलन ब्लोनको मृत्यु भएको हो ।
ठक्कर दिने टाटा सुमोसहित चालकलाई इलाका प्रहरी कार्यालय बरहथवाले नियन्त्रणमा लिएको छ ।