काठमाडौँ, ८ मंसिर । नेकपा माओवादी केन्द्रका केन्द्रीय सदस्य रामप्रसाद बन्जाडे (टंकमणि)को दुर्घटनामा परेर निधन भएको छ ।
मंगलबार बेलुकी करिब ९ बजे बुटवलको जितगढीमा बन्जाडे उहाँ सवार लु २६ प ५८९८ नम्बरको मोटरसाइकललाई ना ५ ख ९०६ नम्बरको यात्रु बाहक बसले ठक्कर दिएको थियो । उहाँको बुधबार बिहान निधन भएको माओवादी केन्द्रका नेता वामदेव क्षेत्रीले जानकारी दिनुभयो ।
बुटवल बेलबासका ५५ बर्षिय बन्जाडे सवार मोटरसाइकललाई बसले ठक्कर दिएको थियो । बन्जाडे मोटरसाइकल पछाडि सवार हुनुहुन्थ्यो । उहाँको उपचारको क्रममा निधन भएको हो । मोटरसाइकल चालक पाल्पाका जितबहादुर थापा भने सामान्य घाइते हुनुभएको छ ।
