धनगढी, २४ कार्तिक । नेकपा एमाले डडेल्धुराका पूर्वअध्यक्ष डा. तारा जोशीसहितका नेता कार्यकर्ता एकीकृत समाजवादी पार्टीमा प्रवेश गर्नुभएको छ ।
माओवादी केन्द्र र एमालेबीचको एकता पूर्व पार्टीका अध्यक्ष रहेका जोशीसहित उपाध्यक्ष बिरेन्द्र बस्नेत, सचिव धनबहादुर सावद र उपसचिव सकुन्तला नगरकोटी लगायतका नेता एकीकृत समाजवादीमा प्रवेश गर्नुभयो । डडेल्धुरामा बुधबार आयोजित कार्यक्रमकाबीच एकीकृत समाजवादीका अध्यक्ष माधव कुमार नेपालले पार्टीमा स्वागत गर्नुभयो ।
डा. जोशीले एमालेमा पार्टी अध्यक्ष केपी शर्मा ओलीमा निरंकुशता हाबी भएका कारण आफूहरु समाजवादीमा समाहित भएको बताउनुभयो । उपाध्यक्ष, सचिव तथा अन्य विभिन्न भातृ संगठनका प्रमुख समेत गरेर १४ जना समाजवादीमा समाहित प्रवेश गरेको उहाँले जानकारी दिनुभयो ।
एमाले डडेल्धुराको अध्यक्षमा प्रकाश साउँदले ६८ सदस्यीय कमिटीमा १३ जना एकीकृत समाजवादी पार्टीमा प्रवेश गरेकाल त्यसले पार्टीलाई खासै असर नपर्ने दावी गर्नुभयो । जिल्लामा जेठ २ लागु गरेर जोशीलाई अध्यक्ष भएर काम गर्न आग्रह गरेको तर उहाँहरुले विगतदेखि नै समाजवादीमा जाने इच्छा राख्दै आएको समेत जानकारी दिनुभयो ।
