जाजरकोट, १९ कार्तिक । जाजरकोटको रिठेखोला बाबिया टाकुरामा मिनीट्रक दुर्घटना हुँदा दुई जनाको मृत्यु भएको छ भने सात जना घाइते रहेका छन् ।
बिहीबार बेलुकी ११ बजे सुर्खेतदेखि जुनिचाँदे जाँदै गरेको बा५ख २५०१ नम्बरको मिनीट्रक बाबिया टाकुरामा दुर्घटना हुँदा दश जना सवारी उक्त गाडीमा ठेगाना नखुलेको दिलबहादुर शाही, नाम नखुलेको एक शव र एक जना बेपत्ता भएको प्रहरीले जनाएको छ । साथै सात जना घाइते रहेका छन् ।
आसिका खड्का, करिश्मा रावत, जुनिचाँदेका दीपकबहादुर शाही, धनबहादुर रावत, नवीन सिंह र निराजन खड्का घाइते भएका छन् । घाइते धनबहादुर चाहिँ चालक हुन् । राति भएका कारण अझै ठेगाना नखुलेको र फोन सम्पर्क हुनसमेत मुस्किल भएको प्रहरीले जनाएको छ ।