काठमाडौँ, १९ असोज । सत्ता गठबन्धनमा आबद्ध दलहरूबीच मन्त्रालयको भागबन्डा टुंगो लागेको छ ।
गठबन्धनका शीर्ष नेताको आज बसेको बैठकले मन्त्रालयको भागबन्डा टुंगो लगाएको हो । शीर्ष नेताहरूबीचको सहमति अनुसार नेकपा (एकीकृत समाजवादी) र जसपाले बराबरी चाररचार मन्त्रालय लिनेछन् । यस्तै, माओवादी केन्द्रले पाँच मन्त्रालय लिने समझदारी भएको छ ।
सत्ताको नेतृत्वकर्ता दल नेपाली कांग्रेसले ६ मन्त्रालय मात्र लिनेछ । दुई मन्त्रालय महन्थ ठाकुर नेतृत्वको लोसपालाई पनि सरकारमा ल्याउने भन्दै प्रधानमन्त्री शेरबहादुर देउवाले नै राखेका छन् । प्रधानमन्त्रीले आफूसँग राखेका मन्त्रालयका विषयमा खुलाइएको छैन ।
गठबन्धनका नेताहरूको आजै साँझ बस्ने बैठकमा दलहरूका तर्फबाट शीर्ष नेताले नाम दिनेछन् । त्यसपछि प्रधानमन्त्रीले आजै वा भोलि बिहान मन्त्रीहरूको शपथग्रहणको तयारी गर्ने बालुवाटार स्रोतले जनाएको छ ।