धादिङ, ६ असार । धादिङकाे नीलकण्ठ सब डिभिजन वन कार्यालयका सहायक वन अधिकृत घुससहित पक्राउ परेका छन ।
अख्तियार दुरुपयोग अनुसन्धान आयोगकाे टोलीले सहायक अधिकृत कृष्णप्रसाद पौडेललाई घुसरकम ४० हजार रुपैयाँसहित कार्यकक्षबाटै पक्राउ गरेको हो ।
वन कार्यालयले समातेको काठका धनीलाई मुद्दा नचलाउने सर्तमा ४० हजार रुपैयाँ घुस लिएका पाैडेललाई आयोगको टोलीले पक्राउ गरेकाे हाे । वन कार्यालयले समातेकाे काठकाे कुनै पनि कागजपत्र तयार नगरि पाैडेलले घुस लिएकाे अख्तियारले जनाएकाे छ ।
घटनाको बारेमा थप अनुसन्धान भइरहेको आयोगले जनाएको छ ।