बाजुरा, ३१ जेठ । बाजुरामा बाढीले बगाउँदा दुईजना बेपत्ता भएका छन् ।
प्रहरीका अनुसार बुढीनन्दा नगरपालिका–३ मा ३५ वर्षीया मोतीकला लुहार र त्रिबेणी नगरपालिका– ५ कामा स्थानीय खोलामा आएको बाढीले बगाउँदा १२ वर्षीय कमल बुढा बेपत्ता भएका हुन ।
लगातारको वर्षाका कारण जिल्ला सदरमुकाम जोड्ने सडक पहिरोका कारण अवरुद्ध भएको प्रहरीले जनाएको छ । सडक अवरुद्ध भएपछि सरमुकाम मार्तडीसँगको यातायात सेवा ठप्प भएको छ ।