जथाभावी टिप्दा गुराँस मासिने खतरा

काठमाडौँ, २४ चैत । राष्ट्रिय फूल लालीगुराँस प्रशस्त फूल्ने उत्तरी मकवानपुरको थाहानगरमा हिजोआज स्कुले बालबालिका गुराँस बिक्री गर्न सडकमा उभिएर गाडी रोकिने प्रतीक्षामा देखिन्छन् । यसरी टिपिँदा गुराँसको प्राकृतिक सौन्दर्यमा ह्रास आए पनि कुनै पनि निकाय सचेत देखिएका छैनन् । गुराँस फूल्ने विभिन्न स्थानमा फूल टिप्नेलाई नगद जरिवानाको कारबाही गर्ने गरिए पनि मकवानपुरको थाहा नगरमा यस्तो छैन । नगरस्थित ऋषेश्वर सामुदायिक वन अध्यक्ष हिरेन्द्र रायमाझीले गुराँसका फूल टिप्दा जरिवाना लिने नगरिएको बताउनुभयो । नियम बनाउन सब–डिभिजन बन कार्यालयबाट निर्णय आउनुपर्ने र दण्ड दिने कुनै विधिविधान नभएकोले फूल टिप्दा कारबाही नगरिएको रायमाझी बताउँछन् ।

थाहानगरकै सीमभञ्ज्याङस्थित करुणाभूमि सामुदायिक वन अध्यक्ष विनोदकुमार लामाले गुराँस फुल टिप्दा जरिवाना नलिए पनि ठाउँ–ठाउँमा चेतनामूलक बोर्ड राखिएको बताउनुभयो । लामाले फूल टिप्ने मात्र नभएर हाँगा भाँचिनाले समस्या भएकाले त्यसो नगर्न आग्रह गरिएको बताउनुभयो । राताम्य फुलेका लालीगुराँसले पर्यटकको मन लोभिएको छ । बाइरोडको नामले परिचित त्रिभुवन राजपथ वरपरका जंगलमा फुलेका लालीगुराँसले बाइरोडको यात्रा गर्ने जो कोहीलाई पनि लोभ्याउनु स्वाभाविक हो । टिस्टुङका डाँडापाखादेखि नामटार झिरघारीका डाँडाहरू अहिले बेहुलीझैँ राताम्य देखिन्छ ।

त्यसैले, लालीगुराँसका पारखीहरू गाडी रोक्दै तस्बिर कैद गर्नमा व्यस्त देखिन्छन् भने केहीले रूख चढेर लालीगुराँसका थुँगा कोसेली लाने गर्छन् । डाँडैभरि फुलेका लालीगुराँसका कारण अचेल हेटौंडादेखि काठमाडौं जाने तथा काठमाडौंबाट हेटाैँडा जाने यात्रुहरूले आफ्नो गन्तव्य त्रिभुवन राजपथलाई बनाउने गर्दछन् । दामन सीमभञ्ज्याङ क्षेत्रमा लालीगुराससँग रमाउन काठमाडाैँ हेटाैँडा, चितवन र वीरगञ्जका लालीगुराँस पारखीहरू आउने गरेका छन् । लालीगुराँसले राजपथ आसपास जंगल मात्र राताम्य भएको छैन, यसकारण होटल व्यवसायीहरूलाई समेत आम्दानीको बाटो खुलेको छ । आजको नेपाल समाचारपत्र दैनिकमा समाचार छ  ।

प्रतिक्रिया दिनुहोस्

संबन्धित समाचार

वाशिङ्टन, २१ मंसिर । पूर्व अमेरिकी विदेशमन्त्री माइक पोम्पेओले आइतबार बेइजिङको शीतकालीन ओलम्पिकको कूटनीतिक बहिष्कारको आह्वानलाई समर्थन गरे । चिनियाँ

बेइजिङ, २१ मंसिर । कल्पना गर्नुहोस्, एक क्षणको लागि चीनमा बस्ने मानिसहरूलाई संसार कस्तो देखिन्छ। संसारको सबैभन्दा ठूलो र सबैभन्दा

काठमाडौँ, २१ मंसिर । सोमबार बंगलादेश र भारत बीचको कूटनीतिक सम्बन्धको ५० औं वर्ष पुगेको छ । यहि दिन भारतले बंगलादेशलाई

काठमाडौँ, २० मंसिर । म्यानमारकी प्रजातन्त्रवादी नेतृ आङ सान सुकीलाई चार वर्ष जेल सजाय तोकिएको छ । म्यानमारको सैनिक सरकारले नेतृ सूचीलाई

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021