काभ्रे, २१ चैत । सेवा घरको सेवाबाट प्रभावित भई बाग्मती टिपर व्यवसायी संघ बनेपा काभ्रेद्वारा सेवा घरलाई अत्यावश्यक खाधान्न सामग्रीहरु सहयोग गरेको छ ।
संघले मानव कल्याण समाज (सेवा घर)को सेवामा सहजता प्रदान गर्नको लागि सेवा घरको सेवाबाट प्रभावित भई सेवा घरको शुभेच्छुक, शुभचिन्तक, अभिभावक मानविय भावनाका धनि संघका अध्यक्ष प्रेम लामालगायत संघ बनेपा काभ्रे परिवारद्वारा सेवा घरको गरिमा बढाइरहनु भएका बुवा-आमा, छोराछोरीहरुको लागि अत्यावश्यक खाधान्न सामग्री तथा सरसफाई सामग्रिहरु हस्तान्तरण गरिएको छ ।
संघले सेवा घरलाई गरेको सहयोग सामग्रीहरुमा चाउचाउ दस काटुन, बिस्कुट तीन काटुन, तेल दुई काटुन, दाल दुई बोरा, चिउरा एक बोरा, मसला साढेतिन किलो, नुन १० प्याकेट, मन्जन १५ प्याकेट, ब्रस दुई दर्जन, स्याम्पु ठूलो पाँच बट्टा, हार्पिक पाँच लिटर, साबुन चार काटुन, सरफ २५ किलो, चिनि एक बोरा, पौडर दूध तीन किलो, खुर्सानी धुलो एक किलो, बेसार डेढ किलो, डाईपर ठूलो एक प्याकेट, फिनेल पाँच लिटर, राज्मा १० किलो, बोडी १० किलो रहेको छ ।
सहयोग बुझ्दै सेवाघरले मानवीय सेवालाई थप सहज अनि सरल बनाउन मानव कल्याण समाज (सेवा घर)लाई सहयोग पुर्याउनुहुने सेवा घरका शुभचिन्तक परोपकारी एंव सहयोगी भावनाले ओतप्रोत सकारात्मक मनका धनी बाग्मती टिपर ब्यवसायी संघ बनेपा काभ्रे परिवारलाई धेरै-धेरै धन्यावाद व्यक्त गरेको छ ।
