काठमाडौँ, १८ फागुन । प्रधानमन्त्री केपी शर्मा ओलीले ताप्लेजुङको मेरिङदेन गाउँपालिका वडा नम्बर ३, दोभान बजारमा भएको आगलागी पिडितलाई तत्काल राहत तथा पुनः निर्माणको व्यवस्था गर्ने घोषणा गर्नुभएको छ ।
प्रधानमन्त्री ओलीले आगलागीप्रति दुःख व्यक्त गर्नुभयो । उहाँले यस्ता घटना दुःखद भएपनि पिडितलाई तत्काल राहत र पुनःस्थापनाको व्यवस्था सरकारले गर्ने घोषणा गर्नुभयो । उद्धारमा जुट्न प्रहरी प्रशासन र स्थानीय जनप्रतिनिधिलाई आग्रह गर्दै उहाँले आगोबाट ५१ वटा घरहरु जलेको साथै करोडौंको क्षती भएकोमा दुःख व्यक्त गर्नुभयो ।
आगलागी नियन्त्रणमा आएको जानकारी गराउँदै उहाँले भन्नुभयो, ‘आगो निभाईसकिएको छ, राहत उपलब्ध गराउने कुरा र पुनःनिर्माण गर्ने कुरामा सरकार तत्कालबाट लाग्छ । जनताको समस्या तत्कालबाट हल गर्छ । प्रदेश–१ का मुख्यमन्त्री हुनुहुन्छ, उहाँले यी कुराहरुको संयोजन गर्नु नै हुनेछ ।’