वैद्य र डाक्टरपछि झाँक्री लिएर हिँडेका प्रचण्डलाई कसैले बचाउन सक्दैन: प्रम ओली

विराटनगर, ८ फागुन । प्रधानमन्त्री केपी शर्मा ओलीले विगतदेखि नै पुष्पकमल दाहाल ‘प्रचण्ड’लाई उनका सहयात्रीले छोड्दै आएको बताउनुभएको छ ।

शनिबार विराटनगरमा आयोजित आफू पक्षीय सभालाई सम्बोधन गर्दै प्रधानमन्त्री ओलीले सुरुवातदेखिका सहयात्रीले प्रचण्डलाई छोड्न थालेपछि आफुलाई उनी देखेर ‘माया लाग्ने’ गरेको बताउनुभयो ।

उहाँले भन्नुभयो, ‘प्रचण्डको जीको मलाई यसो माया लाग्छ, पहिले उहाँसँग वैद्य हुनुहुन्थ्यो । वैद्यले उहाँलाई छोड्नुभयो । त्यसपछि उहाँले डाक्टर लिनुभयो । डाक्टरले पनि उहाँलाई छोड्नुभयो । अहिले एउटा झाँक्री लिनुभएको छ । तर, उहाँलाई झाँक्रीले पनि बचाउन सक्दैन ।’

कुनै कारण प्रतिनिधि सभा पुनर्स्थापना हुने भयो सांसद किनबेच, सरकार बनाउने-ढाल्ने खेल हुने र यसले लोकतन्त्रलाई कमजोर बनाउने उल्लेख गर्दै उहाँले देशलाई अस्थिरतातिर फर्काउने नहुने बताउनुभयो । उहाँले, ‘सम्मानित सर्वोच्च अदालतले देशभर भइरहेको यस्ता सभालाई हेरेको होला, यस्ता सभामाहरुबाट प्रकट भएको जनताको अभिमत हरेको होला । संविधानको मर्म र भावना हेरेको होला । मुलुक कता जान्छ भन्ने विश्लेषण गरेकै होला ।’

प्रधानमन्त्री ओलीले मोहन वैद्य, डा. बाबुराम भट्टराई, रामकुमारी झाँक्री र प्रचण्डबीचको सम्बन्धलाई लिएर टिप्पणी गर्नुभयो । संसदीय व्यवस्था भएको मुलुको प्रधानमन्त्रीले संसद विघटन गर्न पाउने ओलीको अडान छ । काम गर्ने संसदको लागि प्रतिनिधि सभा विघटन गरेको जिकिर गर्दै ओलीले तोकिएको मितिमा मध्यावधि चुनाव हुने स्पष्ट पार्नुभयो । सम्बोधनका क्रममा उहाँले सभामुख अग्निप्रसाद सापकोटा र उपराष्ट्रपति नन्द बहादुर पुनको पनि आलोचना गर्नुभएको थियो ।

उपराष्ट्रपति पुन सरकारविरुद्ध भाषण गर्दै हिडेको र सभामुख सापकोटा झगडिया भएको उल्लेख गर्दै उहाँल निर्वाचनको पक्षमा उभिन उपराष्ट्रपतिलाई आग्रह गर्नुभयो । ‘उपराष्ट्रपतिजी सरकारविरुद्ध भाषण गरेर हिँड्नु भएको छ’ उहाँले भन्नुभयो, ‘म उहाँलाई भन्न चाहन्छु, उहाँको पदले सरकारविरुद्ध भाषण गरेर हिँड्ने, संविधान मिचियो, प्रतिनिधिसभा विघटन गरेर वेठिक भयो भन्न मिल्छ ।’

प्रतिक्रिया दिनुहोस्

संबन्धित समाचार

काठमाडौँ, ९ कार्तिक । पछिल्लो २४ घण्टामा काठमाडौँ उपत्यकामा थप २३५ जना कोरोना भाइरस पुष्टि भएको छ । स्वास्थ्य मन्त्रालयकाका

काठमाडौँ, ९ कार्तिक । थप ६ सय ६६ जनामा कोरोना (कोभिड-१९) संक्रमण भएसंगै नेपालमा संक्रमितको संख्या ८ लाख १० हजार

बाँके, ९ कार्तिक । बाँकेको कोहलपुरमा करिब साढे तीन लाख नगदसहित ६ जना जुवाडेलाई प्रहरीले पक्राउ गरेको छ । प्रहरीका

जनकपुरधाम, ९ कार्तिक । सिरहामा लागुऔषधसहित वडाध्यक्षलाई प्रहरीले पक्राउ गरेकोछ । सिरहा प्रहरीका अनुसार सिरहा नगरपालिका १८ का वडाध्यक्ष रामसोगारथ

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021