उदयपुर, ७ फागुन । उदयपुर सिमेण्ट उद्योगले क्यान्सर पिडित कर्मचारी राजेन्द्रप्रसाद साहलाई उपचारको लागि रु पाँच लाख सहयोग गरेको छ ।
कोही भोकले नमरुन, कोही रोगले नमरुन भन्ने नेपाल सरकारको नीति अनुरुप उद्योगले पनि आफ्नो कर्मचारीलाई अभिभावकत्व ग्रहण गर्ने उल्लेख गर्दै क्यान्सर पिडित शाहलाई नगद सहयोग गरेको हो ।
उद्योगका महाप्रवन्धक गोपी न्यौपानेले उक्त रकम कर्मचारी शाहलाई हस्तान्तण गर्नुभयो । उद्योगको नीति बमोजिम उहाँलाई रु पाँच लाखको चेक हस्तान्तरण गरिएको जानकारी गराउनुभयो ।
उहाँले चेक हस्तान्तरण गर्दै भन्नुभयो, ‘क्यान्सर जस्तो कडा रोगबाट पीडित यस उदयपुर सिमेण्ट उद्योगका कर्मचारी राजेन्द्र प्रसाद शाहलाई उद्योगको नीति बमोजिम निजको निवासमा रु. ५ लाखको चेक हस्तान्तरण । सिघ्र स्वास्थ्य लाभको कामना ।’