काठमाडौँ, ७ फागुन । हाल प्रदेश १ र प्रदेश २ लगायत देशका पहाडी भू–भागमा आंशिकदेखि सामान्य बदली र अन्य भू–भागको मौसम सामान्यतया सफा रहेको जल तथा मौसम पूर्वानुमान महाशाखाले जनाएको छ ।
महाशाखाका अनुसार आज दिउँसो प्रदेश १ र प्रदेश २ लगायत देशका पहाडी भू–भागमा आंशिकदेखि सामान्य बदलीको सम्भावना रहेको छ भने उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको छ ।
पहाडी भू–भागका एकदुई स्थानमा हल्का वर्षा हुने सम्भावना रहेको विभागको भनाइ छ । यस्तै आज राति प्रदेश १ र प्रदेश २ लगायत देशका पहाडी भू–भागमा आंशिकदेखि सामान्य बदलीको सम्भावना रहेको छ । उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको छ । पहाडी भू–भागका एकदुई स्थानमा हल्का वर्षा हुने सम्भावना रहेको विभागले जनाएको छ ।
काठमाडौँमा आज दिउँसो पानी पर्ने सम्भावना रहेको छ । अपरान्ह्पछि बादल लाग्ने र पानी पर्ने सम्भावना रहेको छ । आज विहान काठमाडौँको न्यूनतम तापक्रम ४.४ डिग्री सेल्सियस रहेको छ । दिउँसो काठमाडौँको तापक्रम बढेर २२–२४ डिग्री सेल्सियससम्म पुग्ने छ ।