काठमाडौँ, ३ फागुन । अख्तियार दुरुपयोग अनुसन्धान आयोगको टोलीले बबरमहलस्थित आपूर्ति तथा उपभोक्ता संरक्षण विभागका नायव सुब्बा (नासु) नरेन्द्र चन्दसहित दुई जनालाई घुस लिएको आरोपमा पक्राउ गरेको छ ।
आयोगका अनुसार शेयर पुँजी बढाएको प्रमाण पत्रका लागि सेवाग्राहीसँग ८ हजार रुपैयाँ घुस लिइसकेको अवस्थामा चन्दसहित लेखापढी व्यवसायी रामबाबु दाहाललाई पक्राउ गरेको हो ।
दाहालले सेवाग्राहीसँग ८ हजार रुपैयाँ घुस लिएर नासु चन्दलाई दिइसकेको अवस्थामा आयोगको टोलीले विभाग परिसरबाट दुवै जनालाई आइतबार पक्राउ गरी थप अनुसन्धान अघि बढाएको आयोगले जनाएको छ ।