काठमाडौँ, ३ फागुन । हाल देशभर पश्चिमी वायुको प्रभाव रहेको जल तथा मौसम पूर्वानुमान महाशाखाले जनाएको छ ।
महाशाखाका अनुसार पश्चिमी वायुको प्रभाव अझै एक–दुई दिन रहने छ । आज देशभरको मौसममा आंशिकदेखि सामान्य बदली हुनेछ । थोरै स्थानमा हल्का वर्षा र केही स्थानहरुमा हिमपातको सम्भावना रहेको छ ।
त्यस्तै आज देशका सबैजसो हिमाली भूभागमा हिमपातको सम्भावना रहेको छ पहाडी भूभागका थोरै स्थानमा हल्का वर्षाको सम्भावना रहेको महाशाखाले जनाएको छ । आज बिहान काठमाडौँ उपत्यकाको न्यूनतम तापक्रम ८ डिग्री सेल्सियस रहेको छ ।