रुकुम पश्चिम, १३ मंसिर । आठबीसकोट नगरपालिकामा जन्ती बोकेको जीप दुर्घटना हुँदा चार जनाको मृत्यु भएको छ ।
शुक्रबार साँझ दाजेबाट १०र१२ जना जन्ती बोकेर घारीखोला फर्किरहेको रा.१ ज ५८९ नम्बरको जीप दाजेमा दुर्घटना हुँदा सोही नगरपालिका ८ का कलिभान नेपाली, ४८ वर्षीय आइते चनारा, ५१ वर्षीय गोरे नेपाली र ६६ वर्षीय सार्के नेपालीको घटनास्थलमै ज्यान गएको जिल्ला प्रहरी कार्यालयले जनाएको छ ।
दुर्घटनामा वडा नं। ८ कै ५८ वर्षीय लालबहादुर नेपाली गम्भीर घाइते भएका छन । उनलाई उपचारको लागि आठबीसकोट नगर अस्पताल लगिएको छ । जीप चालक वडा नं. ९ का डिल्लीबहादुर नेपाली फरार रहेको र खोजी भइरहेको प्रहरीले जनाएको छ ।