तथ्यहीन समाचारले समाजलाई विग्रहको बाटोतर्फ लैजाने खतरा: मन्त्री गुरुङ

काठमाडौँ, ११ मंसिर । सञ्चार तथा सूचना प्रविधि मन्त्री पार्वत गुरुङले नकारात्मकभन्दा समाजलाई प्रेरित गर्ने खालका समाचार सम्प्रेषणमा सञ्चार माध्यमले ध्यान दिनुपर्ने बताएका छन् ।

सरकारका प्रवक्तासमेत रहेका मन्त्री गुरुङले सधैँ विरोध, आलोचना र नकारात्मक सन्देश फैलाउने खालका समाचारले सभ्य र समृद्ध समाज निर्माणमा अवरोध ल्याउने चर्चा गरे । दोलखाली पत्रकारसँग बुधबार आयोजित भेटमा मन्त्री गुरुङले भने, “तथ्यहीन समाचारले समाजलाई विग्रहको बाटोतर्फ समेत लैजाने खतरा रहन्छ । त्यसतर्फ सञ्चारमाध्यम सचेत हुनुपर्छ ।” 

मन्त्री गुरुङसँग नेपाल प्रेस युनियनका महासचिव अजयबाबु शिवाकोटीको नेतृत्वमा दोलखाली पत्रकार समूहले भेटघाट गरेको जानकारी मन्त्री गुरुङका प्रेस संयोजक सन्तोष खड्काले दिए । मन्त्री गुरुङले सञ्चार क्षेत्रलाई मर्यादित र जिम्मेवार बनाउने गरी सञ्चार नीति ल्याउने सोच मन्त्रालयले अघि सारेको चर्चा गर्दै त्यसका लागि सुझाव दिन पनि सम्बद्ध सबै पक्षलाई आह्वान गरे ।  उनले इन्टरनेट सेवालाई सर्वसुलभ, गुणस्तरीय र सबैको पहुँचमा पु¥याउने कामलाई सरकारले उच्च प्राथमिकता दिएको छ भने ।

फेसबुक, ट्विटर, भाइबर लगायतका सामाजिक सञ्जाललाई कानुनी दायरामा ल्याउने योजनासमेत रहेको जानकारी उनले दिए । भेटमा पत्रकारले कोभिड–१९ बाट प्रभावित श्रमजीवी पत्रकारलाई उचित राहतको व्यवस्था गर्न मन्त्री गुरुङसँग माग गरेका थिए । यो समाचार आजको गोरखापत्र दैनिकमा छ । 

प्रतिक्रिया दिनुहोस्

संबन्धित समाचार

काठमाडौँ, १५ चैत । ग्लोबल आइएमई बैंक लिमिटेड र विश्व बैंक समूहको सदस्य अन्तर्राष्ट्रिय वित्त निगम (आईएफसी) बिच जोखिम व्यवस्थापन,

काठमाडौँ, १५ चैत । आज बजारमा सुन चाँदीको मूल्य बढेको छ । नेपाल सुनचाँदी व्यवसायी महासंघका अनुसार आज छापावाल सुन ११ सय

काठमाडौँ, १५ चैत । विश्वभरका परिवारले हरेक दिन एक अर्ब डलर अर्थात १ खर्ब ३२ अर्ब रुपैयाँ बराबरको खाना खेर फाल्ने

काठमाडौँ, १५ चैत । कालीमाटी फलफूल तथा तरकारी बजार विकास समितिले आजको लागि तोके अनुसारको तरकारी र फलफूलको मूल्य यस