जाजरकोट, २२ कार्तिक । लागुऔषध अफिमसहित नलगाड नगरपालिकाका दुइईजना पक्राउ परेका छन् ।
प्रहरीले १२ केजी अफिमसहित रुकुम पश्चिमको आठबीसकोट नगरपालिका ९, राडीबजारबाट जाजरकोट ८, नलगाडका ४६ वर्षीय मालबहादुर सिंह र वडा ९ का ६० वर्षीय कालीबहादुर सिंहलाई अफिमसहित पक्राउ गरेको हो ।
इलाका प्रहरी कार्यालय आठबीसकोटबाट खटिएको प्रहरी टोलीले विशेष सुराकीका आधारमा दुवैलाई शुक्रबार नियन्त्रणमा लिई थप अनुसन्धान गरिरहेको जनाइएको छ । केही समयअघि नलगाडकै तीनजना पक्राउ परेका थिए । रासस