काठमाडौँ, २३ असोज । थप २ हजार ५९ जनामा कोरोना (कोभिड-१९) संक्रमण भएसगै नेपालमा संक्रमितको संख्या १ लाख ६ सय ७६ जना पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आजको १३ हजार २ सय ७९ जनामा परिक्षण गर्दा २ हजार ५९ जनामा कोरोना पुष्टि भएको छ । नेपालमा सक्रिय संक्रमितको संख्या २७ हजार ५३ जना रहेको छ ।
मन्त्रालयका अनुसार आज १६ सय ८० जना डिस्चार्ज भएसगै आजसम्म घर फर्किनेको संख्या ७३ हजार २३ जना रहेको छ । आज १० जनाको मृत्यु भएसंगै मृत्यु हुनेको संख्या ६ सय पुगेको छ ।
