सुनसरी, २१ असोज । सदरमुकाम इनरुवा–७ वर्छवाचोकबाट प्रतिबन्धित लागुऔषधसहित दुई पक्राउ परेका छन् ।
मङ्गलबार जिल्ला प्रहरी कार्यालय सुनसरीबाट खटिएको प्रहरीको टोलीले ज८प ५९३६ नंको मोटरसाइकलमा रहेका हरिनगर गाउँपालिका–७ कविलासा घुस्कीका १९ वर्षीय उपेन्द्र सरदार र १९ वर्षीय हरिशङ्कर सरदारलाई पक्राउ गरेको हो ।
प्रहरीका अनुसार मोटरसाइकलमा रहेका दुवै जनालाई जाँच गर्दा प्लाष्टिकको बोरामा लुकाइछिपाइ ल्याएको डाइलक्स डिसी ८९ बोतल, स्प्रामोप्रोक्सीभन प्लस ७६८ क्याप्सुल र निट्राभेट ४२० ट्याब्लेट बरामद गरेको हो ।
लागुऔषधसहित पक्राउ परेका उनीहरुलाई थप अनुसन्धान तथा कानूनी कारवाही अगाडि बढाइएको प्रहरीले जनाएको छ ।
