काठमाडौँ, २० असोज । पछिल्लो २४ घण्टामा आज थप ९ जनाको कोरोनाबाट मृत्युसँगै नेपालमा मृत्यु हुनेको संख्या ५६३ पुगेको छ ।
स्वास्थ्य मन्त्रालयका प्रवक्ता डा. जागेश्वर गौतमका अनुसार थप ९ जनामा तेह्रथुमका ३१ वर्षीय पुरुष, सुनसरीका ६४ वर्षीय एक पुरुष, काठमाडौँकी ५९ र ६० वर्षीय दुई महिला, ललितपुरकी ६७ वर्षीय एक महिला र ६१ र ७७ वर्षीय दुई पुरुष, चितवनका ७० वर्षीय दुई पुरुष र नवलपरासी पूर्वका ७७ वर्षीय एक महिलाको निधन भएको छ ।
थप १५ सय ५१ जनामा कोरोना (कोभिड-१९) संक्रमण भएसगै नेपालमा संक्रमितको संख्या ९० हजार ८ सय १४ जना पुगेको छ । नेपालमा सक्रिय संक्रमितको संख्या २२ हजार ७ सय ९ जना रहेको छ ।
