मकवानपुर, १८ असोज । हेटौंडा–कुलेखानी–फर्पिङ सडक मार्गको जुरीखेतमा यात्रुबाहक जीप सुमो दुर्घटना हुँदा कम्तीमा २ जनाको मृत्यु भएको छ ।
आज हेटौंडाबाट काठमाडौंका लागि ७ जना यात्रु लिएर गएको ना. १ ज ४१०६ नम्बरको भीरबाट करीब १ सय मिटर तल खोल्सामा खसेर दुर्घटना भएको जिल्ला प्रहरी कार्यालय मकवानपुरले जनाएको छ ।
दुर्घटनामा गम्भीर घाईते भएकामध्ये उद्धार गरी ४ जनालाई हेटौंडा र १ जना बालकको भीमफेदी स्वास्थ्य चौकीमा उपचारका लागि पठाईएको प्रहरीले जनाएको छ । उक्त घटनाबारे थप अनुसन्धान भईरहेको जिल्ला प्रहरी कार्यालय मकवानपुरले जनाएको छ ।