जीप दुर्घटना हुँदा चालकको मृत्यु

काठमाडौँ, १३ असोज । कर्णाली राजमार्ग अन्तरगत सुर्खेत -जुम्ला सडक खण्डको खल्लागाडमा जीप दुर्घटना हुँदा चालकको मृत्यु भएको छ ।

कालिकोटबाट जुम्ला तर्फ जाँदै गरेको लु २ च २४१२ नम्बरको जिप दुर्घटना हुँदा जीप चालक सुर्खेत भेरीगंगा १२ बस्ने २८ वर्षीय कर्णबहादुर खड्काको घटना स्थलमै मृत्यु भएको प्रहरीले जनाएको छ ।

प्रहरीका अनुसार कुखुरा बोक्ने गाडी खल्लागाड पुलबाट अनियन्त्रित भइ खोलामा खसेको हो । जीपका सहचालक सुर्खेत भेरीगंगा १३ का दिपक डागी सामान्य घाइते छन् । घाइते उनको स्थानीय स्वास्थ्य चौकीमा उपचार भइरहेको छ ।