काठमाडौँ, १० असोज । नेपालमा आज थप ८ जनाको कोरोनाबाट मृत्यु भएसँगै कुल मृतकको संख्या ४६७ पुगेको छ ।
स्वास्थ्य मन्त्रालयका प्रवक्ता डा. जागेश्वर गौतमका अनुसार सप्तरीका ६३ वर्षीय एक पुरुष, काठमाडौका २० र ७४ वर्षीय दुई पुरुष, भक्तपुरका ८८ वर्षीय एक पुरुष, मकवानपुरका ७४ वर्षीय एक पुरुष, ललितपुरका ७६ वर्षीय एक पुरुष, रुपन्देहीका ७२ वर्षीय एक पुरुष, कैलालीका ३० वर्षीय एक पुरुषको निधन भएको छ ।
स्वास्थ्य मन्त्रालयका अनुसार थप १२ सय ७ जनामा कोरोना (कोभिड-१९) संक्रमण भएसगै नेपालमा संक्रमितको संख्या ७१ हजार ८ सय २१ जना पुगेको छ ।